Trajneri i Romës, Jose Mourinho, i ka shkruar direkt mesfushorit shqiptar të Arsenalit, Granit Xhaka, se duhet ta marr vaksinën, pasi ky i fundit është prekur nga COVID-19.
Trajneri i njohur portugez ka shfrytëzuar rrjetin social “Instagram” për t’i komentuar Xhakës që ka vendosur të refuzojë vaksinimin.
Xhaka ka munguar për Zvicrën në ndeshjen e së mërkurës ndaj Greqisë pasi rezultoi pozitiv për COVID-19, ndërsa ka gjasa të mungojë edhe në dy ndeshjet e radhës ndaj Italisë dhe Irlandës Veriore, pasi aktualisht është në karantinë.
Federata e Zvicrës ka konfirmuar se Xhaka ka refuzuar të vaksinohet, si i vetmi futbollist i ekipit kombëtar që nuk e ka bërë këtë gjë.
Mourinho ka shfrytëzuar postimin e fundit të Xhakës me ekipin kombëtar për t’i komentuar.
View this post on Instagram
“Merre vaksinën Granit dhe je i sigurt”, ka shkruar portugezi. Nuk ka munguar as përgjigja e Granitit, duke e falënderuar trajnerin.
Mourinho e pëlqen Xhakën si futbollist dhe ka tentuar shumë që ta afrojë këtë verë te Roma, por Arsenali nuk e liroi mesfushorin e tyre.
Bie numri i familjeve që marrin asistencë sociale
Prokurori i lartë mbështet lirimin me kusht të vëllezërve Me...
Murati e Ismaili takuan zëvendëspresidenten e Bankës Botëror...
Sulmet turke raportohet se kanë vrarë 27 civilë në Siri
Sot fillon faza e dytë në Superligën e Kosovës, vetëm një nd...
Arrestohet në Kosovë i dyshuari për keqpërdorim të fëmijëve ...